U MLA ka Nongkrem uwa man leh kam u Chairman ka Meghalaya State Planning Board, u Lambor Malngiang ynne da wai u ya u sarok “Upgradation from Single to Intermediate Lane including improvement of Shillong – Jowai Road to Nongkrem Road (4 km) and Smit – Nongkrem Road (3.30 km)” ha ka yalang wa da man ha Iewpyrsing Nongkrem, East Khasi Hills.
Ya uni u sarok da chna hapoh ka Central Road Fund (CRF) yong u snem 2018-19. U Lambor hawa e yei klam da ong u wa kani ka Project toh kawa nadooh u snem 2018, tangwa nei wan ka khlam Covid-19 da slem u pyndep ya ka tangwa da dap u dei kmen wa dadep chna ya uni u sarok uwa man u budloom ka imlang sahlang wei daw yarap bha u ya ki paidbah wei wow wanrah ya ki kaam pynroi.
Chooh chooh da ekhublei u ya ka Nongkrem Dorbar Pyllun wa ki paidbah wa da kyrchaan ki ya ini i kreh wa da leh da ka PWD (Roads).
Kiwi kiwa da emlang ha kani ka sngi toh u Dr. Balajied Singh Syiem, Syiem Hima Khyrim, u D. M. Pyngrope, EE PWD (Roads) N.H. Shillong Bye Pass Division wa ki dkhot ka Nongkrem Dorbar Pyllun.
