theme-sticky-logo-alt
theme-logo-alt
Advertisement ad1
Advertisement ad1

Ku biang kiwa dang yoh palat 200 ngut ha Meghalaya

Advertisement ad1
Advertisement ad1

Hadien wa hiar kiwa dang yoh COVID-19 hapoh 200 ngut ynnin chi sngi, ynne ka 25 tarik da ku cha ka 208 ngut tangwa da boon won da kiwa chait hadien ar sngi kiwa em 251 ngut wa 2 ngut kiwa yap (ki wym pu em yoh tika) kiwa na Ri-Bhoi (01) wa na West Khasi Hills (01).

I ku kiwa dang yoh toh ha East Khasi Hills (129) iwa pynbood sa ka West Khasi Hills (28), Ri-Bhoi (20) wa ha West Jaiñtia Hills (28) katwa ha kiwi ki District kiwa dang yoh da em ki hapoh 5 ngut kiwa duna dooh ha East Garo Hills (00), South Garo Hills (00), North Garo Hills (01), South West Garo Hills (01) wa ha East Jaiñtia Hills (02).

Ki District wa boon dooh kiwa dang chah ktah toh ha East Khasi Hills (934), West Khasi Hills (411), West Jaiñtia Hills (223) wa ha Ri-Bhoi (219).

Ki District wa duna dooh kiwa dang chah ktah toh ha South Garo Hills (03), East Garo Hills (04), South West Garo Hills (06), North Garo Hills (06), East Jaiñtia Hills (22) wa ha West Garo Hills (29).

Waroh kiwa da chait da em ki 95.86% kiwa em 77,302 ngut, kiwa dang chah ktah da em ki 2.41% kiwa em 1945 ngut, kiwa yap 1.72% kiwa em 1391 ngut, deilang dapoi 80,638 ngut kiwa da dep yoh ya uni u khñiang hapoh ka jylla.

Kiwa dang yap man ki kamni ha wah:

  1. Patient’s name: Justine Kshiar, 58 Yrs/M
    Address: Downgate, Ri Bhoi
    Admitted on 23-09-2021 in Nongpoh Civil Hospital
    Expired on 23-09-2021
    Cause of death: Covid-19 Pneumonia with comorbidities

  2. Patient’s name: Banshailang Paliar, 23 Yrs/M
    Address: Mawpun, Mariaw, WK Hills
    Admitted on 24-09-2021 in NEIGRIHMS Hospital, Shillong
    Expired on 24-09-2021
    Cause of death: Covid Pneumonia

Heiyatoh wa i e tika hapoh ka jylla da dep wow e la 15,10,229 sien heiwa ynne ka sngi da e 5839 sien wa kynthup ya ki HCW 33 ngut, ki FLW 207 ngut, kiwa 18 snem chaneiñ 4879 ngut wa kiwa 45 snem chaniñ 720 ngut. Kiwa dang yoh tika ynne ka sngi kynthup ki leh ya ki 776 ngut kiwa dang yoh yei sien nyngkong wa 5063 ngut kiwa yoh yei sien wa ar.

Waroh kiwa da yoh tika chisien da em ki 10,66,108 ngut wa 4,44,121  ngut kiwa da dep yoh la arsien.

Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:

Share this:
Previous

Ka Jammu & Kashmir wa ka Ladakh u man bait ki yong ka India: Sneha Dubey

Next

Wai u Lambor ya u sarok wa dang dep chna ha Nongkrem