Deilang wa ki 157 tylli ki tiar wa chna u warim wajah u liwan u Modi na USA

U Prime Minister ka ri, u Narendra Modi dawa liwan u na USA deilang wa 157 tylli ki tiar ki tar yong u warim wajah kiwa da ekti cha oo da ka sorkar USA. U Modi da pynsñiaw u yei sñiawngooh ya ini i pynuiñ ya kini ki tiar da ka USA deiwa ong wa ini man ko leh kam i dak wow pynkhlan yei ya krehlang yow pyndooh ya ki kaam tooh wa ki kaam khayi tooh ya ki tiar ki tar wa emkaam ha ka dustur riti. 

Kini ki 157 tylli u kynthup nadooh kiwa jrong chi meter chiteiñ, kiwa chna da ki moo, ki nar kiwa nadooh ki snem 10th CE wa 12th CE. Wei em leh kiwa nadooh ka 2000 BC wa kiwi kiwi de. 

Kamwa 71 tylli na kini toh kiwa yatoh wa ka dustur riti 60 tylli kiwa yatoh wa ka niam Hindu, 16 tylli ki yong ka niam Buddhism wa 9 tylli ki yong ka niam Jainism. 

Ki dur Blai wa da chna da u Bronze kynthup ki ya Lakshmi Narayana, Buddha, Vishnu, Siva Parvathi wa ki 24 Jain Tirthankaras deilang leh wa ki Kankalamurti, Brahmi wa Nandikesa deiwa emlang leh ki wym pu ye u pyntikna kiyi ki jait Blai. 

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Na ka niam Hindu da em leh ki dur Blai wa le khlieh u Brahma, iwa yah kari kule (Chariot) u Surya, Vishnu wa ki lok u, u Siva kam u Dakshinamurti, u Ganesha uwa chaad wa kiwi kiwi.

Na ka Buddhism (Standing Buddha, Boddhisattva Majushri, Tara) na Jainism (Jain Tirthankara, Padmasana Tirthankara, Jaina Choubisi) wa kiwi ki wym toh ki yong niam kam ki bru wa chi jur, ki kynthai wa choh bom wa kiwi kiwi. 

Ini leh man ko kam chibynta i yaleh u Modi wow wanrah baing ya ki tiar ki tar wa em parom yong u warim wajah kiwa na India tangwa da poi ki cha kylleiñ ka pyrthai.