U Prof. S.P. Singh Baghel, uwa man leh u Montri Khynnah ka sorkar pyrdi uwa pait ya ka chnat Law & Justice, ynne ka sngi da lai yachem u wa ki bru wa ki thaw pynkreh ya ki Scheme ka sorkar pyrdi kamjooh leh ya ki thaw e tika namo ki Corona Vaccination Centres, ki Health Insurance wa kiwi kiwi hei wow chem lada ki paidbah yoh myntoi sakhiat ki na kini ki Scheme.
Ya uni u Montri da synraan da ki sahep ki chnat ka jylla wa ka sorkar pyrdi heiwa da yaklam u leh wa ki paidbah kamjooh leh wa ki sahep wa pynkreh ya ki.
Ynne ka sngi da lai pait u ya ka Health Dispensary ha Rynjah, Shillong heiwa da yaklam u wa kiwa kreh kamjooh leh ki paidbah wa yoh myntoi na ka Ayushman Bharat PM-JAY; neini da lai u cha MHIS (State Scheme), ha R&R Colony (Rynjah, Shillong) wei da lai psiah u leh ha iwi i yung wa yoh myntoi na kani ka MHIS (State Scheme), da lai yachem u wa ki paidbah wa yoh myntoi naka Swach Bharat Mission ha Umpling, Shillong, ka Pradhan Mantri Ujjawala Scheme (PMUY) ha Nongmensong, Shillong heiwa da yaklam u ya ki bru paidbah.
Da lai u leh ha iwi i yung wa chna ha Umpling hapoh ka Prime Minister Awas Yojana (PMAY) Urban Meghalaya heiwa kawa yoh myntoi da ong ko wa da yoh ko dang du T. 60,000 na ka T. 1,50,000, heiwa da kmen ko wow yoh yarap na ka sorkar wei i yung yong ka chongdor i T. 7 lak.
Da lai pait u leh ya ka Umpling Waste Recovery Center wa chna da ka Shillong Municipal Board hapoh ka Swachh Bharat Mission wei da yaklam u wa kiwa yoh myntoi na kani ka Scheme heijooh i por da yachem u leh wa ki khynnah ka Martin Luther Christian University waka Indian Institute of Public Service kiwa man kam ki Intern wa ka SMB ha kani ka Waste Processing Center.
