E khublei ka Tuber Kmai Chnong ya uwa pynlait ya ka sim khloo

Ka chnong Tuber Kmai Chnong dap ko dei mynsien sñawngooh ya u Bin Kamar uwa man leh uwa yahkhmat ya ka Night Duty yong ka VDP chnong heiwa ynnin i miet da em uwi u jait sim uwa pah kam ka Alarm kari da poi u ha yung yong oo, heitæ i por ki dang mut ki jan wa em ki bru wa tooh kari.

Tangwa manda mih ki deilang wa ki jan yung jan sem, da chem pathan ki da u sim uwa phylla bha wei wa uni u sim toh uwa ka-it bru bha.

Hadien wa chem ya uni u sim, da sumaar bha ya oo wei hei step da pyntip cha uwa e buit ka chnong Tuber Kmai Chnong heiwa neiliang yong oo deiwa yoh Phone Number na u Wyrta, da yoh ki wow yaklam wa u Range Officer ka East Jaiñtia Hills, u S. Law, heiwa da wan wow chimkti da ki bru ka chnat Wildlife ynne ka sngi hi na yung u Bin Kamar.

Ka chnong da ong ko wa ini toh i nongmuna wa bha ya kiwi wym toh u pynyap dusmon ya ki mrad ki mreng kiwa da sdang u dooh jait katni.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang u Waheh Chnong, u Jiedlang Sana wa u Secretary Chnong, u Micky Lyngdoh wa na uwa e buit ka chnong u Wanthmu Phawa, da ong ki wa dap ki dei mynsien wa sñiawkmen hadooh kattæ kattæ wa da em ki khon ka chnong kiwa da sñiawthooh paya ki mrad ki mreng leh em ki yei hok wow im kam i ki bru.

Ha iwi won i liang, lada em kiwa chem mrad napoh West Jaiñtia Hills ye ki u Phone næ pyntip ha u Range Officer, u F. Passah ha u Number 8974319317 katwa na East Jaiñtia won ha u Range Officer, u S. Law ha u  9862872890.