U Myntri Rangbah ka jylla, u Conrad Kongal Sangma da pyntikna u wa ki pulit da kem ki ya uwi u bru ynnin i miet ka 6 tarik, wei da pyntip leh wa u bru wa chah kem da phla u wa emkti u wow lai booh ya u Bomb IED hakhmat ka yung krehkaam ka NPP, wei kattæ ka takit dang lai ko chakhmat.
Da pyntip u leh wa ki pulit hadien wa da takit da chem kse chooh chooh leh ya kiwi ki bru kiwa ye u emkti ha i booh Bomb ha nongbah Shillong ha ki sngi wa da dep.
Hawa yatoh wa i chngaaiñ ha ka jylla, u Conrad da ong u wa i suk i saaiñ ha ka jylla man i iwa biang, tangwa ka sorkar ym kheiñ stiñ yei jia wa da mih ha kini ki kajiak sngi wei neiliang ki pulit leh da kreh chitom wow pyntikna wa ki jia wa ktah ym jia de ki ha ki sngi wa wan.
