U President ka National People’s Party (NPP) uwa man leh u Montri Rangbah ka jylla, u Conrad Sangma da ong u wa ka ri India da chah bait ko ya kiwon kiwon ki seiñ saiñpyrthai, wei em ki ya i hok wow seiñ ya ka Party ha ka synchaar paidbah wow pynsñiaw ya ki mat wa em ki, tangwa da kylli u wa lada kani ka seiñ u yoh ko ya i kyrchaan na ki paidbah ha ka Election wow wan.
U Conrad da ong u ya ini hawa jubab ya i mih sa kawi ka seiñ hapoh jylla ya kawa da tip kam ka Voice of the People Party (VPP) wa da khlieh da u MLA warim ka Nongkrem, u Ardent Miller Basaiawmoit.
Chooh chooh u Conrad da ong u wa ha ka ri India kamwa man katni em kamwa 700 tylli ki seiñ saiñpyrhai, napyrdi kini em leh boon ki seiñ ki wym em ya kiwa mihkhmat paidbah deiwa ong wa ka NPP toh kawa 8 na ki seiñ wow man kam ka National Party.
U Conrad da ong u leh wa hadooh katwon kani ka seiñ thymme u jop ko neibhah kamwa man katni ympu ye ko wow batai che.
