Chem ka chnat Income Tax T. 250 klur ka poisa wa kamai tooh ha Assam, Meghalaya wa West Bengal

Ka chnat Income Tax ka sorkar India da lai pynman ko yei kynreh kamjooh wow kem ha ka 5 tarik uni u bnai heiyatoh wa ki ar kynhun kiwa krehkaam hapoh ka thaaiñ Northeast wa ha West Bengal heiwa da lai cha 15 tylli ki thaw wow kynreh kiwa em ha Kolkata, Guwahati, Rangia, Shillong wa Patna.

Kawi na kini ka kynhun toh kawa em ha ki kaam pynmih khyndawbilat wei heipor wa kynreh ya kini da chem wa kini ym ye ki wow pynyoo kammon mih ka poisa kawa ym em yukheiñ ha ki kot ki sla, i dai mar khlem biang yukheiñ wa i lut phut wa thok hi-eh. Wei ya kani ka poisa kawa khlem yukheiñ da thap biang chapoh i khih yong ki hei pyrtuid ki karkhana kiwa em du i pyrtuid donhi.

Da chem sabut lut heipor wa kynreh yei pyrtuid ki Company wa em ha ka kot donhi wa pynlai da kani ka kynhun hi heiwa manda lai thooh ya ki katkam wa thoh i thaw wa em ki da chem wa toh ki wym em kiwa thok suda.

Chooh chooh da chem sabut wa chim ram dei wym ye u su, i su tooh ya ka bai nong namo ka Commission wa kiwi kiwi de lyngba ki Company wa em du hei pyrtuid donhi.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Na kini ki sabut da chem wa palat T. 50 klur ka poisa toh kawa ym ye u khana u pynyoo ki kot ki sla wa biang wei neiwon mih ko. Kani ka kynhun da pynyoo ko leh yei pyrtuid ki jaitbru ri-loom kam ki bru wa pynbiang poisa kawa da poi hadooh T. 38 klur. Da chem leh yei pyrtuid ki Company cha baar ri, ki Bank Account kiwa ym em pynyoo ha leh ya Income Tax.

Kawi won ka kynhun toh kawa pynkrehkaam ya ki Railway Contract ha Assam, Mizoram wa ha kiwi ki bynta ka thaaiñ Northeast. Wei heipor wa kynreh da chem ya ki kot ki sla hadooh ki sabut (Digital Evidence) wa da kem kiwa pynyoo yei thied thaw, thied yung ki wym em pynyoo yei mantre hawa leh ya ka Income Tax. Da chem leh ya ki Sales Deeds wa thied thaw kiwa da chong dor palat T. 110 klur. Wei ya kini waroh ym ye u pynyoo neiwon yoh poisa yow thied. Da chem leh ya ka sabut wow pynyoo wa su da ka poisa palat T. 13 klur yow thied thaw.

Ha waroh kini ki thaw da chem wa T. 250 klur toh kawa ym em khana neiwon mih ko namo ka kamai tooh. Da kem leh ya ka poisa wa palat T. 51 lak wei da phah khang ya 9 tylli ki Bank Locker.

Ka takit dang lai ko chakhmat.