Ki pulit ka Anti-Narcotics Task Force, Meghalaya ha ka 17 tarik uni u bnai hadien wa tip tikna, da lai hiar ki cha ka thaaiñ Lum Survey, Shillong deiwa lai kynreh heijooh i por ha le tylli ki thaw sah heiwa na yung u Jahiruddin da yoh wow kem 9 tylli ki khieh sabon wa em 110.34 grams i Heroin.
Na yung ka Jamela Khatun da yoh 63 tylli ki tadong khian wa em 10.10 grams i Heroin wei na yung ka Moriom Khatun da yoh 65 tylli ki tadong wa em 10.17 grams i Heroin.
Waroh ini i Heroin wa da yoh u kem dapoi 130.61 grams i khia wei da booh le tylli ki FIR pyrchah ya kini ki bru ha Cantonment Beat House.
Kam wow pynykynmoo wa ha ka 7 tarik uni hi u bnai na kani ka jooh ka thaw da kem ya uwi uwa dai drugs uwa tip kam u Alim Uddin heiwa na thaw sah uni u da chem 27 grams i Heroin heiwa da kem leh ya ka kurim u kawa tip kam ka Ishatun Nesa heiwa da booh FIR leh pyrchah ya ki.
Ha kini ki ar sien ha Lum Survey dapoi hadooh 157.61 grams i Heroin wa da yoh kem kiwa chongdor Rs. 75 lak wei waroh da kem ya 5 ngut.





Discussion about this post