U General Secretary kamjooh u Publicity Secretary ka seiñ HNLC, u Saińkupar Nongtraw ynne da ong u wa i kam ki pulit hajrong i wan pyndem u E. Suchen toh du i chna Drama yong ki pulit.
Da ong u wa 6 bnai nachwa u Suchen da chah kem teiñ u ha ki pulit hajrong i suba wa emkti u ha ki kaam tympdung Bomb. Hadien wa da lait u, ki pulit ki dang thooh ki oo wei da pyndik wei maham ki oo hadooh wym yohsa de u wow yut rieh weiwa u Suchen ymtoh uwa emkti wow tympdung Bomb katkam wa pynbaad ki pulit.
Chooh chooh da ong u wa ka chnat pulit neidaw wa ym yoh sabut ki deiwa tikna hajrong i pdung Bomb IED da kem ki ya ki dkhot warim ka HNLC kamjooh ya kiwi won ki khynroo wa lui-lui, wei da kem ki ya ki syiar Farm neibhah ki dkhot ka HNLC ymtoh kiwa suk wow kem kamwa da lai kem ya ki syiar Farm wei ini i kem kulmar ki pulit pynyoo chooh chooh i yei tlot wei man kutlaad thij lakam ki sniang wa muaid.
U Nongtraw da ong u leh wa ka HNLC da kyntu ko leh ya ki paidbah wa ymtoh u Vote ki ya ka NPP ha kani ka Election chiteiñ samoi kam ka dak wow pyrchah yei chah tynyap u Cherish Thangkhiew wei ki National Party jooh lai jooh wan ki ha ka jylla wei ym em wot kawi wot leh ka Party kawa e chakri deiwa hok ya ka jaitbru.
Heijooh i por da ong u wa ki National Party man ki thij kam ki seiñthylliej wa boon rong ha i synchaar (Rainbow Coalition) wei kini ym ye ki wow pyndooh yei eh i khoo wa chem ka jylla Meghalaya.
Chwa wow pynkut u Nongtraw da ong u wa ka seiñ da pynbna ko wa ki yung krehkaam ka NPP toh u khang khyrdep lut ki ha Ri-loom Khasi wa Jaiñtia ka wow krehkaam nadooh myntu ka sngi wei da e por u ya ki du hapoh chitayaw donhi wow leh yeini.
