theme-sticky-logo-alt
theme-logo-alt
Advertisement ad1
Advertisement ad1

Pynlait paidbah ka Jowai Cooperative Urban Bank ya ka Debit Card wa ka Website

Advertisement ad1
Advertisement ad1

Ka Jowai Cooperative Urban Bank LTD Jowai, hadien 45 snem i lai luti wow chakri yaki paidbah heiyatoh i rukom kynchew poisa wei kamjooh i e ram wa kiwi kiwi de, kamtæ ynne ka sngi da ye ko u pynlait paidbah yaka Debit Card waka Website yong ka neibynta u rap pynsuk chooh chooh ya ki paidbah u sai poisa, u pait yei em poisa haka Account katwa ka Website won u pynsuk ko ya ki paidbah u thuh yutip heiyatoh wa ka Bank.

Da wan u wai ya kani ka Debit Card waka Website da u M.A. Challam, MCS, EAC, West Jaiñtia Hills haka yalang wa pynman ha Chutwakhu Indoor Sport Hall Cum Auditorium Jowai. 

Heiyatoh wa i lai luti ka Bank haki 45 snem neibynta u e chakri ya ki paidbah, kamjooh leh i rukom krehkam yong ka da pynche da u CEO u A.N. Muksor.

Hawa pynsñiaw yei eh wa ka Bank tyngkhooh ko hei lai luti, khana u wa ha u 1991 da sdang biang ko u yoh nong, ha u 2006 da sdang pynkrehkaam ko da ki bor ki kor (Computerize), najrong ka chnat wa nyngkong wa em ha Iawmusiang, Jowai. Ha u snem 2013 da wai sa yaka chnat wa ar ha Phramer, ha u 2015 da pynkrehkaam ya ka Core Banking Solution (CBS), ha u snem 2017 da ye u wai yaka Head Office Building yong ka hi ha Ladthadlaboh, wei hadooh kamwa man katni da em kamwa 27,381 ngut kiwa em Account ha kani ka Bank.

U kongsan yong kani ka sngi u M.A. Challam, da ong u wa i stat ka juk wa katni da nang pynjan ko yei rukom krenkaam cha u paidbah ha ki rukom waphær waphær, kamtæ kyntu u ya ki paidbah wow chim kabu ya kini ki laad myntoi naka Jowai Cooperative Urban Bank, wei heijooh i por pyn-eh bok pyn-eh nasib haroh u ya kani ka Bank u nang ye chooh chooh ko u e chakri yaki paidbah.

Ya ka yalang da pynlai da u T.W. Blah, Chairman yong ka Bank, da yoh leh i klam na u G. Sten uwa man kam u dkhot yong ka Bank wa kiwi de.

Share this:
Previous

Saam u Conrad da ki Tablet cha ki 30 ngut ki khynnah skur

Next

Hapoh chi tayaw e por ka HNLC wow khang lut ki yung krehkaam ka NPP ha Ri-loom Khasi Jaiñtia