Kiwa dang yoh COVID-19 ha India da neh ki hapoh 20,000 ngut la 8 sngi heiwa kiwa chait leh da pteiñ ki wow boon ya kiwa dang yoh iwa da pynhiar ya kiwa dang chah ktah wow jan hiar ki hapoh 2 lak ngut iwa duna dooh hadien 218 sngi heiwa kiwa chait da em ki 98.08% iwa heh dooh nadooh u Wisu (Mar) 2020.
Kiwa dang yoh ha kini ki 24 kynta da em ki 15,981 ngut, kiwa dang chait 17,861 ngut wa 166 ngut kiwa yap iwa mut wa kiwa dang em ya uni u khñiang da hiar ki da 2046 ngut.
Ynnin ka sngi da em du 6 tylli ki jylla wa boon da kiwa dang yoh ya kiwa chait heiwa kiwa dang yoh da tam ki da 222 ngut ha Maharashtra, 93 ngut ha Karnataka, 11 ngut ha Haryana, 4 ngut ha Bihar wa 1 ha Meghalaya.
Ki jylla wa boon dooh kiwa dang chah ktah toh ha Kerala (95,349), Maharashtra (33,379), Tamil Nadu (15,238), Mizoram (13,316), Karnataka (9,700), West Bengal (7,513), Andhra Pradesh (6,453), Odisha (4,817), Telangana (4,056) wa ha Assam (3,458).
Ki jylla wa duna dooh wa em kiwa dang chah ktah toh ha Lakshadweep (01), Dadra and Nagar Haveli and Daman and Diu (03), Andaman & Nicobar Islands (09), Chandigarh (30), Rajasthan (40), Bihar (46), Ladakh (42), Tripura (102), Madhya Pradesh (106), Haryana (116), Jharkhand (130), Uttar Pradesh (133), Uttarakhand (179), Arunachal Pradesh (183), Sikkim (189), Chhattisgarh (197), Gujarat (212), Punjab (228), Nagaland (228), Delhi (327), Puducherry (611) wa ha Goa (648).
Ynnin ka sngi da leh 9,23,003 tylli ki Test heiwa kiwa chah ktah da em ki 1.73% kawa tip leh kam ka Positivity Rate kawa da neh hapoh 3% la 47 sngi.
Heiyatoh wa i e tika, da dep wow e la 97,23,77,045 sien heiwa ynnin ka sngi da e 8,36,118 sien.
Waroh kiwa da chait da em ki 98.08% kiwa em 3,33,99,961 ngut, kiwa dang chah ktah 0.59% kiwa em 2,01,632 ngut, kiwa yap 1.33% kiwa em 4,51,980 ngut, deilang dapoi 3,40,53,573 ngut kiwa da dep yoh ya uni u khñiang hapoh ka ri.
