Kam chibynta ka Pan India Awareness and Outreach Programme kawa man leh chibynta i lehkmen yoh laitlooid wa 75 snem ka ri kawa da e pyrtuid Azadi Ka Amrit Mahotsav, neiliang ka District Legal Services Authority (DLSA), East Khasi Hills District deiwa ya krehlang waka Meghalaya State Legal Services Authority (MSLSA) hapoh i pyrtuid ka National Legal Services Authority (NLSA) waka District Child Protection Unit, East Khasi Hills District da pynman ki ya ka yalang pynsñiawthooh paidbah hajrong ki aiñ ‘Protection of Children from Sexual Offences Act, 2012’ waka ‘Prohibition of Child Marriage Act 2006′, ynne ka 29 tarik ha ka Community Hall ka chnong Nongkrem.
Hawa e yei klam kam u kongsan, u Judge ka High Court Meghalaya, u Justice W. Diengdoh da pynche u hajrong ki kyndon ka aiñ POCSO Act, 2012 wei da pynchlur u leh ya kiwa chimbynta wow pynsñiawthooh ya kiwi yeiwa sih wa mih neiwa chongkha dang khynnah.
Ki bru chemphang ha ka aiñ kiwa da e yei klam kynthup ki ya ka Daisily Thangkhiew, Legal Aid Counsel, DLSA, Shillong, ka Matti L Warjri, DCPO, District Child Protection Unit, East Khasi Hills District waka SI I Kharjana neiliang ki pulit kawa da klam hajrong ka ‘Protection of Children from Sexual Offences Act, 2012 waka aiñ Prohibition of Child Marriage Act 2006’, i kaam yong ki Child Welfare Committee wa ki District Child Protection Officer wow ya syllok yow yarap ya ki khynnah kiwa tyngkheiñ aiñ wa ki khynnah wa emkaam yei sumaar wa i yada wei i pynsñiawthooh paidbah yow ya krehlang wa ki pulit yow pynduna ya ki kaam thombor ya ki khynnah.
Ha kani ka sngi da wam wow embynta lang da u District & Session Judge, u N. A. Khan, u Officer on Special Duty, MSLSA, u T. T. M. Sangma ka Daphira Sohtun, Secretary, DLSA, East Khasi Hills District wa kiwi kiwi de.
