Kam chibynta wow yarap ya kiwa chongdai dukan kamjooh kiwa khayi pateiñ ka Resubelpara Municipal Area kamjooh kiwi thaw ka North Garo Hills yow ye ki u pynkhai yeiwa dooh nong ki neidaw wa em ka Lockdown wa jrong hapoh ka District wa ki thaw wa em chajan ha uni u snem heiwa ka Mendipathar Merchant Association leh da dep ki wow e dei thoh hajrong ini cha ki bor District.
Deiwa pait leh wa da rap chngaaiñ i long i man hapoh ka District heiyatoh wa ka khlam COVID-19 tangwa dang emkaam hi wow man kiwa syndong yow lait nei wan sa ka la-ær wa le ka khlam deiwa pyrkhat won leh ya ka samoi lehkmen wa kynthup ya ka Diwali, Christmas wa u snem thymme leh da jan ki, kamtæ da emkaam wow yarap ya ka khayi pateiñ hapoh ka District.
Neiliang u District Magistrate ka North Garo Hills da pynmih hukum u wow chah u wai waroh ki dukan dei por wa biang wa kynthup ya ki yaw deiwa e bor u wai ki man-ka-sngi wa kynthup leh ya ka sngi Choh-that waka sngi Bibar deiwa bood ya ki kyndon yada COVID-19 kam i deiñ Mask, i yajngai uwi ya uwi wei wow sait khood wei lehkhooid ya ki kti.
Da pyndam leh ya ka Night Curfew wei kani ka hukum u krehkaam ko nadooh myntu ka 29 tarik.
Kam wow kdaw heini wa chwa ynne ka sngi, ka Night Curew hapoh ka North Garo Hills toh kawa sdang nadooh 10:00 waje i miet wei ki dukan da wai ki hadooh 8:00 waje miet Monday hadooh Friday, ha ka Saturday hadooh 2:00 waje i sngi katwa ha ka sngi Sunday hadooh 12:00 waje pyrdi sngi iwa da pynyinsur kamni neidaw wa em ka Durga Puja.