U District Magistrate uwa man leh u District Election Officer ka West Garo Hills District da pyntip u wa neidaw wa ha ka 27 tarik uni u bnai da em i yachoh yadat ha Garodubi iwa da wanrah yei mynsoo ki bru iwa da jia heipor wa pynman yei lai paidbah iwa yatoh wa i em ka Election chiteiñ samoi ha 47-Rajabala Constituency.
Da ong wa ini i ya kynaad ye i wow jia biang hadien wa kut i thap Vote ha ka 30 tarik wei yow lait na ini, da pynkrehkaam da ka Section 144 CrPC hapoh waroh ki thaw wa em hapoh ka 47-Rajabala (Gen) Assembly Constituency wei kawa krehkaam nadooh ka 30 tarik uni u bnai.
Kamtæ da khang wow pynman ya kiwon kiwon ki lai paidbah ki seiñ saiñhima, ki yalang paidbah wa kiwon kiwon ki jait lai paidbah.
Da khang leh wow yalang palat 5 ngut ki bru hapoh waroh kawi ka Constituency.
Kani ka hukum u krehkaam ko hadooh wa pynbna da kamwi.
