Ka District Magistrate ka East Khasi Hills da pynmih hukum ko ynne ka sngi hapoh ka Section 144 Cr.PC heiyatoh wa ka sngi niaw Vote kamjooh heiyatoh wa i lehkmen jop deiwa bood ya ki kyndon wa pynmih da ka Election Commission of India kawa da booh leh ya ki kyndon yow yada nei poor u khñiang khlam COVID-19.
Kamtæ da pynmih hukum yow khang yei lai paidbah, i yabai paidbah ha ki thaw wa pynman yei niaw Vote hadooh wa pynbna ya kiwa jop.
Da khang leh wow pynemkaam ya ki tanghæng wa ki chaad lehkmen ha ki thaw wa niaw Vote.
Da khang leh wow rah dieñ kiwa pyndait lama lane ki wym em pyndait lama, ki lathi, ki tiar yasiat, i pynman ya ki yalang wa heh hapoh 1 Km na ki thaw niaw Vote.
Da khang leh wow thang bomkala, u kawang bomkala ha ki sarok wa ki thaw paidbah ha ka sngi niaw Vote.
Da khang leh wow lai chaad hadien wa jop ya ka Election, ym chah ya palat arngut ki bru wow lai lang wa u kyrtong wa jop hawa chim ya Certificate na u Returning Officer.
Ym chah leh wow pynman yalang lane ka lai paidbah hawa jop.
Hap wow deiñ ya ki Mask, u yajngai uwi ya uwi ha waroh ki por.
Ha ki kamra niaw Vote u chah du ki bru wa em ya ki ID wa ki Car Pass wa e da ka District Election Officer, East Khasi Hills District kiwa ye wow psiah.
Da phah leh wow bood ya waroh ki kyndon yada na u COVID-19 kiwa da pynmih da ka Health & Family Welfare Department ka sorkar India thij katkam wa da booh.
Ym chah leh wow rah Mobile Phone wa ki Camera hapoh ki kamra wa niaw Vote.
Kani ka hukum toh kawa krehkaam nadooh wa pynmih ya ka ynne ka 1 tarik.