U Montri Rangbah ka jylla, u Conrad K Sangma da ong u wa i e tika da yarap ko chiboon ya ki paidbah wei da kyntu u ya kiwa chong chnong ka jylla wow lai e pyndep ya i tika wa arsien. Da ong u wa dang em boon ki bru kiwa dang artatien wow lai e tika, wei man ko iyi iyi i wym bha neibynta yong ki wa kiwi kiwa yajan ki.
Hawa yatoh wa em kamwa 2 lak ngut kiwa da dep e ya i tika chisien tangwa khlem lai pyndep de yei sien wa ar, u Montri Ranngbah da ong u wa ini toh leh stiñ yong kitu ki bru, khamtam ya kiwa da dep yoh tika chisien ha kam ini i por wa kiwa yabi khñiang kjut da duna ki, deiwa kyntu u ya ki paidbah wow pyndep ya i tika kawa ar katwa ye.
Hajrong i duna kiwa lai e tika, u Conrad da ong u wa ka sorkar da pyrchang ko wow pynsñiawthooh katwa ye, tangwa ym ye wow pynbor ya kitu kiwa artatien iwa pynman ya ka sorkar wow chem yei eh hawa pyndep yei e tika.
U Conrad da pyntip u wa heipor wa pynman ya ka Election chiteiñ samoi da em kamwa 600 ngut kiwa lai e tika ha ki thaw thap Vote wa da pynkhreh da ka chnat i chait i khiah.
