Hanlada khang u Waheh Chnong lai bait i pynche paidbah ki le seiñ ya ki skim sorkar

Jowai : Ki 3 tylli ki seiñbhalang wa kynthup ya ka MPUF, ka KJNU wa ka AHPUF ha kani ka 9 Naikhynde da pynman ki ya i pynche paidbah hajrong ki skim waphær waphær yong ka sorkar jylla kamjooh ka sorkar bei wa da mang nei bynta ki paidbah.

Yeini i pynche paidbah, kini ki 3 seiñ wa da rai ki u lai pynche paidbah cha kylleiñ ki chnong wa haap hapoh West Jaiñtia Hills District yow tip u sñiawthooh ya ki paidbah ya ki skim waphær waphær toh wa man i i hok yong ki u yoh katkam wa da mang ka sorkar jylla wa ka sorkar-bei.

Kani ka pynche paidbah ha kani ka sngi toh kawa sdang nyngkong ya kiwa chong chnong ka Chnong Mihmyntdu yeiwa da pynman ha Loompariat, Jowai neidaw wym chah u waheh chnong Mihmyntdu u pynman ki ha Mihmyntdu.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Hei pynche kiwa yah khmat kini ki le seiñ da batai ki ya ki 21 tylli ki skim wa kynthup ya ka MGNREGA, ka SRWK, ka MP Scheme, ka ISYDP, IACDP, CRRP, ka Chief Minister Development Fund, ka DTFM wa kiwi kiwi.

Heini i pynche yong ki da batai ki ya ki thong yong ki skim wei kammon u yoh myntoi ya ki. Heijooh i por leh da pynsñiaw ki i diaw mynsien neibhah na pyrdi kini ki skim wa boon du kattu katni  donhi wa poi cha ki paidbah, wei em leh na pyrdi ki skim wa boon ki bru mih pyrtuid ki yow yoh myntoi na ki skim waphær waphær tangwa hadooh katni ympu em u yoh ki.

Kamtæ yooluti ki wa lyngba ini i pynche paidbah wa daw lai ki cha khmat daw ye u pynyoh yei hok ki paidbah.