Ka Open to All 18 Above Football League Knockout Tournament wa pynman da ka West Jaiñtia District Sports Association (WJDSA) da pteiñ ya ka ynne ka sngi da ka yalehke hapyrdi ka Luti Tuber Ialong SC waka Panaliar SC.
Ha kani ka yalehke da jop suk da ka Luti Tuber da 4-0.
Ya ki kool da thap da u Marbhah Dhar ha ka minit wa 39, u Medaia Dhar haka minit wa 76, u Balajied Dhar ha ka minit wa 79 wa u Francis Pale ha ka minit wa 87.
Ki yalehke u pteiñ biang ki ha ka 15 tarik da ki yalehke hapyrdi ka Kseh Sylle Ialong waka Pasyih Cultural heipor 1:00 waje i sngi.
