theme-sticky-logo-alt
theme-logo-alt
Advertisement ad1
Advertisement ad1

Da pynman ya ka yakob yasaaid aiñ neibynta kiwa dang lai puræ muktiar

Advertisement ad1
Advertisement ad1

Kam chibynta  i lehkmen yei dap 75 snem i yoh laitlooid ka ri iwa da e pyrtuid ‘Azadi Ka Amrit Mahotsav’, da pynman leh ya kiwa boon ki yalang pynsñiawthooh paidbah ha kylleiñ ka ri namo ka Pan India Awareness & Outreach Programme, heiwa ka Meghalaya State Legal Services Authority deiwa ya krehlang waka Meghalaya State Judicial Academy and District Legal Services Authority, Shillong ynne ka sngi da pynman ki ya ka yakob Moot Court Competition ha Conference Hall, Law Department, NEHU, Shillong kawa da emlang u Justice W. Diengdoh u Judge ka High Court ka Meghalaya kam u kongsan yow wan wai ya kani ka yakob.

Kani ka yakob toh wow pynyoo yei sap wow yasaaid ya ki mukotduma da kiwa dang lai puræ ya ka aiñ deiwa pynchna leh yei thaw wow pynwandur kam ka yung bichaar.

Advertisement ad1

Neiliang u kongsan hawa e yei klam da ong u wa sñiawkmen wei embhah u wow yoh u chimbynta ha kiwa boon ki yalang pynsñiawthooh paidbah wa pynman da ka Meghalaya State Legal Services Authority.

U Justice W. Diengdoh da ong u leh wa kani ka yakob Moot Court Competition toh kawa emkaam bha neibynta kiwa dang lai puræ puthi ya ka aiñ wei daw yarap ko ya ki wow pynwandur yei rukom pyrkhat wei wow pynkhreh ya ki chwa wow man ki kam ki muktiar wa pura ha ki por wow wan.

Chooh chooh da ong u wa kani ka yakob leh daw yarap ko wow pynsñiawthooh kammon krehkaam ki yung bichaar yow suk kiwa dang lai puræ wow sñiawthooh kammon wa pynlai ya ki kaam hapoh ka yung bichaar iwa daw yarap bha ya ki manda kreh ki kam ki muktiar.

U Justice W. Diengdoh da kyntu u ya ki wow chim kabu ya ini yow yoh ki yei myntoi neibynta ka mynstep ka mankawi.

Kiwi de kiwa emlang toh u T T M Sangma, OSD, Meghalaya State Legal Services Authority, ka K.M.L. Nongbri, Director, Meghalaya State Judicial Academy, ka D. Sohtun, Secretary, District Legal Services Authority wa kiwi kiwi de. 

Share this:
Previous

I metyap wym em wa wan kam ha Civil Hospital, Shillong

Next

Jop suk ka Luti Tuber Ialong ya ka Panaliar ha ka 18 Above ka WJDSA