U District Magistrate ka East Jaiñtia Hills ha ka 17 tarik uni u bnai da pynmih u ya ka hukum wa ong wa da em ki bru hapoh ka Narpuh Wildlife Sanctuary kiwa tympdung bomb wei kiwa pynpaar bordiñ wow tynyap dakha hapoh ka wah Lukha.
Ini i tympdung bomb toh man i pyrchah ya ka Explosives Act 1884 wa ka Explosives Rules 2008 kamtæ hajrong ini da pynkrehkaam noh ya ka 144 CrPC wow khang u tympdung bomb wei u pynpaar bordiñ ha ka Wah Lukha.
Da khang wow e dawai næ bær bih ha kani ka wah kawa ye u ktah ya ki dakha wa ki doh-um.
Da khang leh wow tynyap khiar ya ki dakha la ha iwon iwon i dur wa kiwi ki kaam wa ye u ktah ym du ya ki dakha, ki doh-um wot ya ki bru wa ki mrad kiwa im ha talawiar ka wah kamjooh leh ki yakob wa ki tamasa wa ye u ktah ya ka wah.
Kani ka hukum da man ko kawa krehkaam nadooh ka 17 tarik uni u bnai.
