theme-sticky-logo-alt
theme-logo-alt
Advertisement ad1
Advertisement ad1

Pyndep ka KNGC yei bynta wa nyngkong yow yoh yei tipmit naka NAAC

Advertisement ad1
Advertisement ad1

Ka Kiang Nangbah Government College, Jowai da man ko kawa nyngkong dooh ka College sorkar kawa da ye u pyndep yei wan chah sylli kawa tip kam ka 1st Cycle NAAC Inspection and Assessment wa leh da ki bru ka National Assessment and Accreditation Council (NAAC) namo ka Peer Team wa kynthup ya u Professor Ashutosh Ghosh (Chairman), u Professor Mohammad Arif (Member Coordinator) wa u Dr. Ajay Bhamare (Member) ha ka 15 wa 16 tarik uni u bnai.

Ka College da sdang ko wow lai cha kani ka luti nadooh u Naisan 2019 hapoh i kdaw luti u Education Minister, u Lahkmen Rymbui wa u Principal Secretary warim uwa katni da man kam u Additional Chief Secretary, u D.P. Wahlang.

Advertisement ad1

Ya ka Internal Quality Assurance Cell (IQAC) da sdang ha u Naisan 2019 heiwa u Dr. J. P. Sharma da man u kam u IQAC Co-Ordinator, heipor wa man Principal u S. De.

Ya ka Information for Quality Assessment (IIQA) waka Self Study Report (SSR) da phah hapoh i man Principal ka Dr. (Mrs.) E.M. Blah.

Ka IQAC da booh ko 7 tylli ki kyndon namo ki Criteria wa hap u pynbiang pynhun heiwa neiliang ka College da jied ko ya 7 ngut ki wow chim yei kitkhlieh hajrong kini wa kynthup ya ka W.M. Dkhar, Dr. D. Suchiang, Dr. L. M. Darnei, u H. Toi, u J. Kharkongor, ka S.M.F Blah wa Dr. S. Nongkhlaw.

Ka sorkar da thung ko ya Dr. S.R. Lyndem (RUSA Consultant) wow yarap pyndep yei leh ya ka IQAC. Kamtæ da e khublei ya ka sorkar Meghalaya, ka Education Department kiwa da yarap neiliang ka poisa yow poi cha ka thong, i kreh chimtom ki Principal, kiwa sikai, ki wakreh waroh wa i kyrchaan kiwa lai puræ wa ki bei ki pa yong ki.

Da yooluti wei da kyrmen wa hapoh ki 10 sngi manda yoh ya ka Result daw man ko katkam ki kyntien im sngi ka College wa ong “Awake, Arise and Reach the Goal”.

Share this:
Previous

Da khang wow tympdung bomb wei wow pynman yakob wa ki tamasa wa ktah ya ka Wah Lukha

Next

Du 3 tylli ki District wa em kiwa dang yoh COVID-19 ynne ha Meghalaya