Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 19 tarik da ar tylli ki yalehke Pre-Quarter Final ha madan bol ka Umkiang.
Ha ka yalehke wa nyngkong, ka Lumsohskie FC da yachem ko waka Umstain B heiwa ka Lumsohskie da jop ko da 2-0. Ya ka Lumsohskie da thap kool da u Rahul Pohtam ha ka minit wa 22 wa u Seilikus Dhar ha ka minit wa 35.
Ha ka yalehke wa bood, ka Lumshnong YWSC B da jop ko yaka Chiehruphi SYWSC B da 1-0 lyngba ka kool wa thap da u Jiyo Mukhim ha ka minit wa 46.
Kamtæ kini kiwa jop da yoh ki wow psiah Quarter Final kawa daw sdang mynstep ka 20 tarik hapyrdi ka Ratacherra Lumtrom waka Ratacherra CSC heipor 12:40 i sngi.
