Ka HYC-Amlarem Unit da dap ko dei lyngngoh hajrong i wym biang ka Mobile Network kattu la kamwa 5 bnai wa kynthup ya ka Airtel, ka Jio wa kiwi de ki Network hapoh ka thaaiñ hi waroh kawi wei khamtam ya ka chnong Amlarem kamjooh leh hapoh ka Sub-Division ha kini ki por wa emkaam bha ha waroh ki liang.
Ka seiñ da dawa ko leh wa lada kini Company ym ye ki wow pynbiang yei dawa, neini chakhmat ka seiñ ym yohsa ko wow pynyoo da ki kaam neibhah wa da ktah yei khih i kreh wot wow Recharge Phone ki paidbah.
Chooh chooh da ong wa i dooh nong toh i yong ki paidbah katwa ki Company won da yoh nong ki thij thij katwa ki paidbah chah lute poisa khlem da pyrkhat de ya ki bru yong ka thaaiñ Amlarem hi waroh kawi wei khamtam ha kam ini i por tlang wa katni wa boon i emkaam ki bru.
Ka seiñ da kyntu ko leh ya kiwa mihkhmat wa toh u leh ki iyi iyi hajrong ini khnang wa ki bru ka thaaiñ kamjooh waroh ki bru ha ka juk wa katni emkaam ki ya ka Network wa biang kamtæ ini i pyndooh Network toh i wym ye u pdiang khlem da tip uwa boon wa lang yei daw wa da leh ya ini.
