theme-sticky-logo-alt
theme-logo-alt
Advertisement ad1
Advertisement ad1

Saam ka KSU Wapung Unit ya ka 2nd Maitshaphrang Academic Award 2021

Advertisement ad1
Advertisement ad1

Ka Khasi Students’ Union (KSU) Wapung Unit ha ka 20 tarik uni u bnai da pynkup burom ko ya ki khynnah skur kiwa da lehbha ha ka puræ puthi ha uni u snem da ka khusnaam wa tip kam ka 2nd Maitshaphrang Academic Award 2021 ya kitu kiwa da pyndep yei kyrdan puræ yong ki nadooh ka Class X wa Class XII kam i dak wow pynchlur wei khyrkhu kyrdoh wei kitbok kitrwiang ya ki ha ka liang puræ puthi wow nang ku ki chaphrang.

Ki khynnah wa da yoh ya kani ka khusnaam kynthup i ya ki khynnah skur na ka chnong Wapung Chnong, Wapung Skur, Mookhep, Tuber Kmai Chnong wa ka Tuber Chohchrieh.

Advertisement ad1

Heijooh i por, ka KSU Wapung Unit da yoh ko wow pynkup burom ya arngut kiwa sikai skur kiwa da yoh yei naam Best Teacher hapoh East Jaiñtia Hills. Ka KSU Wapung Unit da pynlait paidbah ko leh ya iwi i rwai yong ka Unit wa da e pyrtuid “Wat Aili”.

Ya kani ka yalang pynkup burom da pynman ha Yung Dorbar Chnong, Wapung Chnong wei da pynlai da u President ka KSU Wapung Unit, u Deiniwan Lyngdoh.

U kongsan ha kani ka sngi toh u Lambokstarwell Marngar, uwa man u President ka KSU CEC katwa u symbood kongsan toh u Deputy CEM ka JHADC u Lasky Rymbai uwa da kyntu kynpham ya ki khynnah skur wow nang minot ki hei puræ puthi wei da kular u wow wanrah yei pynyinsur yei rta yalehkreh da kamwa 5 snem deiwa lai rah ya ini cha u Montri Rangbah ka jylla.

Share this:
Previous

E ka NAAC da ka B Grade ya ka Kiang Nangbah Government College

Next

Ki Company yoh nong ki katwa ki paidbah kamwa chah lute wa dooh Network ka thaaiñ Amlarem: HYC