U Montri Rangbahdooh ka ri, u Narendra Modi da mynjur u ha ka yalang ka Union Cabinet wow pteiñ u e ya u khoo rachon wa saam mynkna wa tip kam u Pradhan Mantri Garib Kalyan Anna Yojana (PMGKAY-Phase V) sa soo bnai itæ nadooh u Kmaichonglad (Dec) 2021 hadooh u Wisu (Mar) 2022 deiwa e mar 5 Kg samen chi bnai cha kiwa yoh myntoi wa em hapoh ka National Food Security Act (NFSA) kiwa em leh hapoh ka Antodaya Anna Yojana wa Priority Households wa kynthup lang ya kitu kiwa em hapoh ka Direct Benefit Transfer (DBT).
Ka Phase-I wa Phase-II kani ka Scheme da pynkrehkaam nadooh u Naitung (April) hadooh u Naiynru (June), 2020 wa Naiynniaw (July) hadooh u Khonchonglad (Nov), 2020. Katwa ka Phase-III kani ka Scheme toh nadooh u Naisan hadooh u Naiynru, 2021. Ka Phase-IV kawa katni toh kawa da krehkaam nadooh u Naiynñiaw hadooh u Khonchonglad, 2021.
Ka PMGKAY Scheme neibynta ka Phase V daw chongdor ko T. 53344.52 klur.
U khoo PMGKAY Phase V da antaad u poi u 163 LMT.
Kam wow pynkynmoo wa ya uni u khoo da sdang wow saam nadooh wa sdang ka khlam COVID-19 hapoh ka ri ha u 2020.
Ka sorkar da dep wow pynlut kamwa T. 2.60 lak klur hapoh ka PMGKAY Phase I- V.
