theme-sticky-logo-alt
theme-logo-alt
Advertisement ad1
Advertisement ad1

Wa chah thok maham yakhih kiwa sikai skur Upper Primary deiwa rap khor

Advertisement ad1
Advertisement ad1

Ka seiñ kiwa sikai skur kawa tip kam ka Meghalaya Upper Primary School Teachers Association (MUPSTA) Garo Hills Region daw pynman ko ya ka Mass Teachers Meeting ha ka 3 Kmaichonglad (Dec) ha Asanang, Tura, West Garo Hills wow paan yei mynjur na waroh kiwa sikai Upper Primary wow pynman noh dei yakhih kawa khor kat hadooh wa ka sorkar u e ko yei dawa ka seiñ wow kyntu Deficit noh ya waroh 844 tylli ki Adhoc Upper Primary School kiwa em ha Meghalaya.

Ka MUPSTA da pynsñiaw ko yei diaw mynsien yei suki wei kylleiñ ka sorkar Meghalaya ya i dawa wow pynku Deficit pura noh ya waroh ki UP School.

Advertisement ad1

Da ong ko wa hei sakhiat u Montri Rangbah wa em burom ka sorkar Meghalaya, u Conrad K Sangma da kular u wow kyntu Deficit noh ya waroh ki Adhoc UP School ha Meghalaya ha ka Teachers’ Conference kawa da man ha Asanang, Tura, West Garo Hills ha ka 27th Naisaphra 2018.

Ini waroh i kular ym em u man kaam i hadooh katni katkam ki dak ki chin wa yoo wa ka sorkar da yaleh ko wow kiar ya kiwa yahkhmat ka seiñ hadooh wot u Montri Rangbah leh ym epor de u wow yachem.

Ha i yachem wa u Commissioner Finance ha Secretariat ha ka 17 tarik uni u bnai da thooh yumut heiyatoh wa i dawa tangwa ka jubab wa da yoh toh i wym sñiawsuk heiwa da ong lada pdiang næ soi lut ya waroh ki tyrwa (Proposal) kiwa wan cha ka miej yong oo, ka sorkar Meghalaya daw ngam (Bankrupt) lut ko.

Share this:
Previous

Sa soo bnai u pteiñ u saam ya u khoo rachon wa mynkna

Next

Kyntu ka NESO ya u Modi wow e laad sa chisien ya kiwa yaleh UPSC