Jop suk ka 3rd MLPBN ya ka Urban Affairs ha ka Inter Office

Ka 8^th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da pteiñ ya ka ynne da ka yalehke hapyrdi ka Urban Affairs XI waka 3^rd MLPBN heipor 10:30 i step.

Ha kani ka yalehke, ka 3^rd MLPBN da jop suk ko da 13-01 ya ka Urban Affairs.

Ha ka kylla step ka 3^rd MLPBN da thap ko 6 kool katwa ha ka kylla miet da thap ko sa 7 kool heiwa ya ka chi kool ka Urban Affairs toh kawa thap bakla pyn da uwa yalehke ka 3^rd MLPBN.

Kiwa thap kool toh u Lammi Da Ohi Passah ha ka minit wa 7,51 wa 56, u Ramos Ingti ha ka minit wa 15,18,34, u Rangkynsai Syiemlieh ha ka minit wa 22 wa 26, u Pynshai Myrchiang (uwa thap bakla) ha ka minit wa 42, u Banhunlang Gashnga ha ka minit wa 45, u Embhahlang Suiam ha ka minit wa 62, u Shemphang Mawlieh ha ka minit wa 65 wa u Lumlangstar Nongpluh ha ka minit wa 72 wa 75.