theme-sticky-logo-alt
theme-logo-alt
Advertisement ad1

Ym em poi pyrkhat wow mih u Charles Pyngrope na ka Party: Vincent

Advertisement ad1
Advertisement ad1

U President ka Meghalaya Pradesh Congress Committee uwa man leh u MP ka Shillong, u Vincent Pala heiyatoh wa i mih noh ki 12 ngut ki MLA napoh ka Party, da ong u wa ini toh iwa da tip chwa tangwa khyrngiat u wa emlang u Charles Pyngrope u MLA ka Nongthymmai neibhah wa burom wei chaniah bha u ya oo.

Da ong u leh wa da Phone u ya ha u Charles heiyatoh ini hadien wa sñiaw u ya ka khubor yow pyntikna.

Advertisement ad1

U Vincent da ong u wa ka Congress toh kawa da pynkhreh yeini heiwa da sdang ko wow kynjoh ya ki bru wa thymme heipor wa lai cha ri-loom Garo neibhah wa daw chah ktah neidaw wa u Dr. Mukul toh uwa da em hapoh ka Party da slem wei heijooh i por ini wa wailaad ko ya kiwi ki bru wa thymme wow wan ki chakhmat neibhah kattu ya ka Party ha ri-loom Garo ym em de ko du ha i kti ya ka chi yung lane kiwa emyatoh lang ki.

Da ong u wa ym em da khuslai ware u ya ka ri-loom Khasi wa Jaiñtia neibhah wa dang khlan hi ka Party ha kini ki thaw.

Da ong u leh wa ini waroh ym em mut wa piah ka Party tangwa daw pynkhlan chooh chooh wei daw ye wow pynkylla dur deiwa wanrah da ki kyrtong kiwa khooid yow lai chakhmat kam ka Party.

Da kdaw u leh ya iwa jia chwa ka Election heiwa da em 9 ngut ki MLA kiwa yut naka Party tangwa kattæ leh dang jop ki kyrtong ka Party ha ki 21 tylli ki Constituency iwa boon dooh na waroh ki Party.

Kamtæ da ong u wa em bait kiwa mih, em bait kiwa dang psiah nadooh ki warim wa kiwa thymme deiwa pynrap wa kiwa kyrchaan ka Party da ong ki wa ym bood ki ya kiwa yahkhmat warim tangwa u bood ki ya ka Party.

Share this:
Previous

Jop suk ka 3rd MLPBN ya ka Urban Affairs ha ka Inter Office

Next

Kitbok kitrwiang ka MCA ya kiwa lai chimbynta ha ka Vijay Hazare Trophy