Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 26 tarik da ka yakhun yaknieh man wa le namo ka Third Place Match.
Kani ka yakhun da pynman hapyrdi ka Shymplong SC waka Donaskur FC kawa hadooh wa kut i por da neh da 0-0.
Kamtæ da pynman da ya ka yachut Tie-breaker heiwa ka Shymplong da jop ko da 5-4.
Ha kani ka sngi da em u S. Buam, Office In-charge ka Umkiang Police Patrol Post kam u kongsan, u Lasting Pala, Waheh Chnong Umkiang kam u symbood kongsan waka Deiwipaya Tongper, President STIEH kam kawa chah khut sñiawbha.
Ka yakhun Final kani ka lympung toh kawa daw pynman ha kani ka 27 tarik hapyrdi ka Lumshnong YWSC A waka Ratacherra Lumtrom SC heipor 12:45 i sngi.
