theme-sticky-logo-alt
theme-logo-alt
Advertisement ad1
Advertisement ad1

Khut u DC ka EJH wow pynpsiah pyrtuid ha ka e-Shram wow yoh myntoi na ka sorkar pyrdi

U I/c Deputy Commissioner uwa man leh u Chairperson, District Level Implementation Committee, East Jaiñtia Hills District, Khliehriat da pynbna paidbah u wa ka Website ka e-Shram toh kawa da pynmih da ka chnat Labour & Employment yong ka sorkar India ha ka 26 Naisaphra 2021, hajrong i thmu wow pynpsiah pyrtuid ya waroh kiwa mylla ka ri ha kani ka Website, kawa kynthup ya kiwa kreh ASHA, Anganwadi, MGNREGA, Mistri, kiwa chong chakri ha ki yung bru, ki warep, kiwa kreh ya i kaam yong ki de, kiwa chongdai madan, kiwa dai dukan, kiwa khwe, kiwa psan mrad wa kiwi kiwi.

Yei pynpsiah pyrtuid ye u leh lyngba kani ka link: https://www.eshram.gov.in namo deiwa lai cha ki Common Service Centre(CSC)/ Rainbow Centre kiwa em hapoh chnong næ hajan chnong.

Ki kyndon wa ki kot wa emkaam wow thap pyrtuid ha ka e-Shram portal man ki kamni:

Toh u em hapyrdi 16-59 snem i rta, ka Aadhaar Card, u Mobile Number wa pynyabi wa u Aadhaar, wow em ka Bank Account wa krehkaam wei ymtoh u man ki dkhot ka EPFO, ESIC næ NPS.

Kam wow kdaw heini wa ka Registration næ wow thap pyrtuid toh ka wym emkaam wow su poisa, ya katni i myntoi toh i yada namo ka Insurance wa T. 2 lak lada yap Accident næ tkhoh pura wei T. 1 lak lada tkhoh malu mala.

Neini chakhmat leh, kiwi kiwi ki laad yarap neiliang ka sorkar u lai bait ki lyngba kani ka Wesbsite.

Share this:
Previous

Daw lai Kolkata yow jied ya u President ka TMC ha Meghalaya

Next

Rah ka Shymplong yei naam wa le ha ka Elaka Narpuh Football Tournament Champions 2021