Jowai : Kiwa yalehke Jeet Kune-Do na ri-loom Jaiñtia dang pteiñ ki u rah yei naam i burom sa ha ka 3rd North East Jeet Kune – Do kawa da man ha ka 10 Naikhynde ha Bhogeswari Phukanami Indoor Stadium, Guwahati, Assam hei yahkmat u Doony Ranee President MJKA.
Ya kani ka lympung da pynman da ka Jeet Kune-Do of Assam (JAA), heiwa u Ferdinand Suchiang Senior Men Below 60 Kg Category da yoh u ya takma ksiar.
Nachwa leh ka Lambha Daka Patlong, ka Sylvia Grace Papang wa ka Balari Shisha Law na West Jaiñtia Hills da yoh ki ya ka Takma Ksiar, Rupa wa Tama ya ka Jylla Meghalaya ha ka yalehkai Jeet Kune-Do ha ka lympung 1St North East Jeet Kune–Do 2012 kawa da pynman ha Manipur.
Ha ka 2nd North East Jeet Kune–Do kawa da man ha Assam u Rangiakhun Niawki Iakai da yoh u ya ka takma rupa.
U President ka West Jaiñtia Jeet Kunedo Association (WJKA) u ma Sardonyx Suchiang da e khublei u ya waroh kiwa da kyrchaan ya ka seiñ kamjooh ya u Commandant Central Training Institute, Meghalaya Civil Defence & Home Guard Mawdiangdiang Shillong uwa da chah ya u Ferdinand Suchiang wow lai yakhun u ha kani ka kynti.
Discussion about this post