Ki pulit ka South Garo Hills District hadien 48 kynta wa chem ki yei metyap kawi ka khynnah wa wiar hadien wa liwan thoh Exam Selection Class-X ko, da yoh ki wow kem ya uwi wa emkti ha ini i kaam.
Kam wow pynkynmoo wa ha ka 4 tarik uni u bnai da yoh ujor wa da em kawi ka khynnah wa wiar ko nadooh ka 1 tarik uni hi u bnai heiwa yei metyap ko da chem ha ka 4 tarik heipor kamwa 7 waje i step na iwi i khloo wa em ha thaaiñ Dangsugre ha ka luti wow lai cha chnong Chaipani, South Garo Hills.
Kani ka khynnah kawa dang 17 snem da suba toh wa da chah slaitbor wei chah tynyap ko.
Neiliang ki pulit ha ka 6 tarik uni u bnai hadien wa pynman ya ka takit, u I/C Dimapara ICP da kem ki ya uwi u bru wa suba emkti ha ini i kaam uwa na ka chnong Dangsugre, South Garo Hills heipor kamwa 10:30 i miet wei da wanrah ya oo cha Baghmara Women PS yow leh yeiwa emkaam.
Ya uni u bru wa 22 snem i rta da tip kam u Bimstar R Marak, da chemdien hadien wa em wa yoo wa kani ka khynnah wei da phla u leh wa tynyap u ya kani ka khynnah wei da dep lai yah u leh ya ki pulit cha i thaw wa noh u ya u dieñ wa pynemkaam u wow tynyap ya kani ka khynnah.
Uni u bru toh uwa tipmit ya kani ka khynnah wei ini i thaw wa jia toh iwa jooh lai luti ko hawa liwan cha yung.
Chooh chooh uni u bru da phla u wa da dep dih kiad chwa u chwa wow yachem ya kani ka khynnah heiwa da mih i yamai wei dei chrai da tynyap u ka tangwa da kyntait u wa slaitbor u ka.
Ka takit dang lai ko chakhmat wei dang yang ya ka Post-Mortem Report.
Puræ leh: Chem ki pulit yei metyap ka khynnah kynthai wa wiar hadien wa wan thoh Exam
