Ynne ka sngi u CEM ka Jaiñtia Hills Autonomous District Council (JHADC) u Thombor Shiwat da e u T. 50,000 lyngba ka Council Relief Fund cha ka Mansuk Challam na ka chnong Ummulong, West Jaiñtia Hills District.
Kam wow pynkynmoo heini i yung ka Mansuk da iñ i ha ka 21 tarik u bnai wa dep heiwa da dooh ko leh ya ki ar ngut ki khon uwa 5 snem wa 2 snem ha ini i jia.
Chwa wow ekti ya ka poisa da em ka yalang wa tbian wa pyllai da u Waheh Chnong warim ka Ummulong, u SS Langi.
Ha kani ka sngi da emlang leh u MDC ka Ummulong-Moodymmai u Jesse Suïam, wa kiwa hayung hasem ka Mansuk Challam wa kiwa heh wa sian ka chnong.
