Ki pulit ka East Garo Hills ynne ka sngi da yoh ki wow kem ya arngut ki bru wa emkti wow dawa poisa na uwi u bru (Businessman) uwa na Mangsang.
Ki pulit ka East Garo Hills deiwa ya krehlang wa ki pulit ka North Garo Hills wa West Khasi Hills da pynman ki yei thoh ha ki thaw khappood ka North Garo Hills waka thaaiñ Hahim hadien wa uni u Businessman da yoh u ya ka chithi dawa poisa T. 50 lak hei pyrtuid ka GNLA.
Ynne ka sngi kiwa dawa poisa da phah ki wow su ya kani ka poisa heiwa ki pulit da phah ki ya uni u bru wow su ya kani ka poisa ha Hahim Bazaar heiwa ki pulit da yoh ki wow kem ya kini ki arngut wa mut wow wan chim ya ka poisa.
Ki pulit da kem ki leh ya ki Mobile Phone wa pynemkaam wow dawa poisa.
Ya kini da rah da ki pulit ka Rongjeng PS yow pynman yei takit.
Ha iwi won i jia, ki pulit ka East Garo Hills naka Songsak Police Station wa Dagal OGC da kem ki ya le ngut kiwa lute ya kiwa lai wa wan ha ka thaaiñ Songkama.
Kini kiwa lute da em ki kamwa 5 ngut wei da yang khap ki ya kiwa na baar jylla ha Songkama yow lute ki.
Heiyatoh wa ini, ki pulit da kem ya u Nengman G Momin, u Sengkush G Momin wa u Bulbirt B Momin tangwa kiwi ki arngut da yoh ki wow yut deiwa chim kabu yei doom. Ini i lute toh iwa da leh heipor wa kam 6:00 waje i miet.
Hachwa ini da em leh kiwi kiwa chah lute ha ini i jooh hi i thaw wei da suba toh kini ki jooh ki bru wa emkti.
Ya kini da rah cha ka Songsak PS yow pynman ya ka takit.
