Vijay Hazare Trophy: 6 Wicket na u Nafees, 85 Run na u Punit yow jop suk ka M’laya yaka Manipur

U Nafees Siddique da yoh u 6/39 ha ka yalehke wa nyngkong dooh yong oo ha ka kyrdan National Level deiwa jop ka Meghalaya ya ka Manipur da 111 Run ha ka Vijay Hazare Trophy ha Jaipur ynne ka sngi.

Hachwa ini, ki Guest Professional kitæ u Punit Bisht wa u Chirag Khurana da lehbha ki ya ka Meghalaya deiwa yoh 85 wa 50 yow pynpoi ya ka Meghalaya da 258/7.

Ka Manipur da jop ko ya ka kylla khlem wei da jied ko wow phah Bat nyngkong ya ka Meghalaya.

Da dooh smat ar tylli ki Wicket ha ki 6 Over chwa wa u Khurana wa u Ram Gurung (36) da kamai lang ki 86 neibynta ka Wicket wa le.

Related posts

3rd Division EJHDFA: Jop ka Lumchyrmit wa ka Lama Youth

July 5, 2025

3rd Division EJHDFA: Jop ka Wahsanphaw, Youngstar wa ka Rymbai

July 4, 2025

U Gurung da haap chwa u iwa da bood sa u Khurana uwa da yoh kawi ka sanphaw Run wa kawi ka spah Run ya ka Meghalaya na ki le tylli ki yalehke ha kani ka Tournament, katwa u Bisht ha kani ka kynti da chim u ha oo wow kamai 85 na 71 bol wa kynthup ya 11 tylli kiwa poi cha u pood.

Na kiwa kawang bol najrong u Siddique, u Dippu da yoh u (1/14), u Teja (1/27) wa u Aryan Bora (1/25).

Ka Meghalaya da em ko hei wa ar ha ka Plate Group, daw yakhun ko wa ka Mizoram kawa em hei wa le mynstep.