theme-sticky-logo-alt
theme-logo-alt
Advertisement ad1
Advertisement ad1

Wai u Vincent Pala ya ka MPL Season 3

Ynne ka sngi u Vincent Pala, MP da wan wai u ya ka Madankynsaw Premier League (MPL) Season 3 ha madan Umrajha ha ka chnong Madankynsaw-Mowkyndeng, wei chwa u wai ya katai ka lympung yalehbol da lai pait (Inspect) u ya ka madan chyiap kawa ka dorbar chnong da mang ko wow chna kam ka Mini Stadium yong ka chnong.

Ka chnong da e ko leh ya ka Memorandum ha u MP heiyatoh wa i chna ya ka Mini Stadium kamjooh leh ya ka Mini Indoor Stadium, heiwa i thmu hi yong kini ki ar tylli ki thaw toh wow pynkup bor wei kamjooh leh u e laad ya ki khynroo khyllood yong ka chnong kamjooh leh ki para jan chnong wow pynyoo ki ya ki sap ki yong ki.

Da lai pait leh ya ka Farmers Development Center yong ka chnong kawa dang dep wai da u Montri ka chnat i rep i riang ha kini ki sngi wa dadep.

Heiyatoh wa i wai ya kani ka lympung yalehbol da u MP, da emlang leh u Victor Suja, u Waheh Chnong kani ka chnong u Danny Shadap, u Secretary chnong u Bud Rimanki Chympa wa kiwi tawon kam kiwa yahkhmat ya ka seiñ Women’s Group & Handicraft Multi Purpose Cooperative Society, Iein Tylli Village Organisation, MUSCC, ki Executive Member ka chnong wa ki bru paidbah na ka chnong.

Da pynchongchit chooh chooh ya kani ka sngi da kiwa jop ya ka Madankynsaw Got Talent Season1, wa ki manbei yong ka Village Organisation.

U Vincent hawa e i klam ha kani ka sngi da e u ya ki kyntien sneiñ kyntu wei kamjooh da pynchlur u ya ki para chnong para thaw ka chnong Madankynsaw-Mowkyndeng, heiwa da ong u leh wa kani ka chnong toh kawa da kyrchaan pura ya oo ha ki kaam Election ki yong oo, wei wa da kular u leh wow yarap chna ya katai ka Mini Stadium hapoh kani ka chnong.

Neiliang ka yung krehkaam ka dorbar chnong dap ko da i sñiawngooh ya i wan u MP wa kamjooh yeiwa da kular u wow chna ya kitai ki thaw deiwa kitbok ya oo wa ki kaam yong oo. 

Share this:
Previous

Pynkup burom ka Dorbar Chnong Chutwakhu ya kiwa da dap 80 snem i rta

Next

Vijay Hazare Trophy: 6 Wicket na u Nafees, 85 Run na u Punit yow jop suk ka M’laya yaka Manipur