U-19 Cooch Behar Trophy: Pyntam ka Meghlaya yaka Mizoram

U Manish Sharma da yoh biang u ya ka 5 Wicket kawa soo ya ka Meghalaya deiwa yoh 5/18 pyrchah ya ka Mizoram ha ka sngi nyngkong ka U-19 Cooch Behar Trophy wa pynman ha Bhubaneshwar ynne ka sngi.

U Sharma da dep u wow yoh 5/52 wa 5/42 pyrchah ya ka Sikkim wa 6/110 pyrchah ya ka Manipur.

Ka Mizoram da jop ko ya ka kylla khlem wei da jied ko wow Bat nyngkong heiwa da kamai ki du 83 Run deiwa dooh lut ya ki Wicket. Ka Mizoram da sdang ko deiwa kamai 41 Run ya ka Wicket wa nyngkong tangwa da smat haap kiwa Bat dei wym yoh jubab yeiwa pynskit bol u Sharma, uwa da kawang 14.5 Over deiwa e du 18 Run hawa pynhaap ya ki 5 Wicket.

U Purav Agarwal, uwa da wanrah wow yalehke ynne ka sngi da yoh u 3/21 katwa u Wankitlang Nongpluh da yoh u 1/20.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ka Meghalaya hawa Bat da dooh smat ko chi Wicket tangwa u Mrinal Das wa u Sachin Kumar da Bat lang ki neibynta ka Wicket wa ar deiwa yoh 48 Run. Pyn-ar da haap ki deiwa kamai mar 33 Run na 63 bol.

Hadooh wa kut ka yalehke ynne ka sngi, u Captain Kevin Christopher (37 Not Out) wa u Pawan Singh (16 Not Out) da yang yung ki deiwa yoh 52 Run heiwa ka Meghalaya da yoh ko 124/3, iwa tam ya ka Mizoram da 41 Run.