Jowai : Ka wi ka manbei kawa em arngut ki khon khian da chah dat ko ha u pyrthat heipor 4:30 ynnin i janmiet ha ka chnong Pynthor Barato heipor wa dang chong kreh ko ha tre dwar ha khmat yung ko.
Kani ka manbei wa tip kam ka Recommend Timung toh ka wa 22 snem i rta wei da mynsoo joor ko, da man i sniehdoh ko kamwa chah thang nadooh na rupai hadooh ha kjat wei da toh ko leh nei bynta i khlieh. Da kit ya ka cha Jowai Civil Hospital, Ialong pyn ynnin tangwa ynne won da kit ya ka cha Shillong neidaw wa ini i dat u pyrthat da ktah ko ya u klongsnaam yong ka.
Heipor wa dat u pyrthat ha yung leh emlang ki khon ko kiwa ym em mynsoo katwa ya uwi uwa na jan yung wa wanke da mynsoo na chrooh u tangwa ya oo da sumaar ha yung, wei oo leh da iñ i sniehdooh u kamjooh ki sula u.
Uni u pyrthat da dat u leh ya ar tylli ki dieñ kseh wa em hajan ini i yung wei wa heini i por wa dat u dang doom i bneiñ wei ym em u slap.
Discussion about this post