Ki result 1st wa 3rd Division ynne ka 16 tarik

Jowai : Hadien wa haap pynpep ya ki yalehke 1st wa 3rd Division ha kini ki sngi wa da dep neidaw wa at la-ær ka madan Kiang Nangbah Stadium, ki yalehke ynne ka sngi da man ki kiwa lai bait.

Ha ka yakhun 3rd Division hapyrdi ka Mooralong wa ka Newhill, ka Mooralong da jop ko da 4-1. Ya ki kool ka Mooralong da thap da u Sukher Syndai ha ka minit wa 23, u Odame Lyngdoh ha ka minit wa 25, u Friday Sutnga ha ka minit wa 28 wa na u Winchesper Salahe ha ka minit wa 49 katwa ya ka kool ka Newhill da thap da u Arkini Pohlong ha ka minit wa 63.

ADVERTISEMENT

Ha ka yakhun 3rd Division wa ar won hapyrdi ka Shangpung Khliehmooshut wa ka Thadbamon, ka Shangpung Khliehmooshut da jop ko da 2-0. Ya ki kool da thap da u Sanki Langstang ha ka minit wa 4 wa na u Iohbor Sayoo ha ka minit wa 6.

Related posts

Da 17-0 jop ka Khliehriat West ya ka Dhana ha ka 1st Division, jop ka Byndihati ha ka Super Division ka EJHDFA

October 22, 2026

3rd Division ASSA: Jop ka Padu Shnongpdeng khlem wa em jop ha ki ar tylli kiwi ki yalehke

October 22, 2026

Hadien kini ki yaleh, ka Mooralong wa ka Shangpung Khliehmooshut da psiah ki cha ka Quarter Final.

Ha ka yakhun 1st Division hapyrdi ka Panaliar wa ka Lumpariat, ka Panaliar da jop ko da 3-1. Ya ki kool ka Panaliar da thap da u Sankiru Shullai ha ka minit wa 12, u Deimonphi Shullai ha ka minit wa 16, wa na u Dari Thma ha ka minit wa 18 katwa ya ki kool ka Lumpariat da thap da u Rikenson Suting ha la minit wa 78.