Ka National Consumer Day da kynmoo warom ya ka ynne ka sngi ha District Library Auditorium, Mynthong, Jowai deiwa emlang u Deputy Commissioner ka West Jaiñtia Hills, u Garod LSN Dykes, ka Additional Deputy Commissioner, ka DD Syngai, u Additional Deputy Commissioner (Supply) u A. Mukhim, ka Extra Assistant Commissioner ka E. Mawlong, ka President District Commission, ka B. Khriam deilang wa kiwa dai dukan wa kiwa dai Wholesale.
Deiwa kdaw yei emkaam yong kani ka sngi, u Deputy Commissioner da ong u wa da em ki le bynta ha i rukom pynlai ya ka yaaw ka haat kiwa emkaam wow ya krehlang. Ka sorkar toh kaw pait yei dor, kiwa dai da dai ki katkam i dor wa booh da ka sorkar katwa kiwa thied won em ki yei hok wow jied ya ki mar wa kwah ki.
U Deputy Commissioner da pynlait u leh ya ka Video Clip wa yatoh wei hok yong ki bru wa thied mar.
Ka B. Khriam da klam ko hajrong i hok yong kiwa thied tiar, thied tar deiwa sneiñ ya kiwa thied wow paan ya ka Cash Memo lane ka Receipt hadien wa dep thied neibhah lada em i wym hun ki hadien wa thied, ye ki wow ujor cha ka District Commission. Da pyntip ko leh wa ka District Commission pait ko ya kam ini i kaam khlem da hap wow su poisa.
Hachwa ini, u A. Mukhim, Additional Deputy Commissioner (Supply) da u ya ki kyntien pdiang sñiawbha deiwa ong wa kani ka sngi da pynman yow pynsñiawthooh yei hok yong kiwa thied ya i mar kamjooh i kitkhlieh yong ki.
Neiliang ka D. Basan, Sub-Inspector of Supply Jowai da e ko ya ki kyntien e khublei.
