December 21, 2021
Ka Foreign Trade Chamber of Commerce Meghalaya (FTCCM) kawa man ka seiñ kawa heh wei kawa rim dooh yong kiwa khayi lyngba ka Dawki LCS da pynbna ko wow sangeh wow chalan mar cha Bangladesh.
Ya ini da leh kam ka dak wow burom lang ya waroh nadooh kiwa yah kari, ki Manager, ki Bill Boy, wa kiwa kreh yong ki chnat waphær waphær khnang wow yoh ki u liwan yung wow lehkmen Christmas.
Kamtæ ka seiñ da rai ko wow sangeh u chalan mar nadooh ka 23 tarik hadooh 26 tarik wei u wai won nadooh ka 27 tarik hadooh 31 tarik wei u khang biang ha ka 1 wa 2 tarik u Duyatra 2022 wow lehkmen snem thymme wei u wai won ha ka 3 tarik.
Neiliang ka FTCCM da kyrpaad ko ya waroh ki Exporter wow yakrehlang wei da e khublei Christmas wei snem thymme ko ya waroh.
Kani toh katkam ka Wyrta na u Richard Pohlong, President wa u Daniel Khongsit, Secretary ka FTCCM.
Advertisement
