Kiwa kawang bol ka Meghalaya wa Arunachal Pradesh da yoh ki chiboon ki daw wow kmen deiwa haap 14 tylli ki Wicket hawa sdang ka yalehke hapyrdi ki ar jylla ha ka U-19 Cooch Behar Trophy ynne ka sngi ha Bhubaneshwar.
Ka Arunachal toh kawa da yoh nyngkong ha kani ka Plate Group, wei hadien wa jop ya ka kylla khlem, da rai ko wow Bat nyngkong. Tangwa kiwa boon kiwa Bat ym ye ki wow kamai boon Run hadien wa haap ki Wicket dei langær.
U Manish Sharma (3/42) wa u Purav Agarwal (3/73), kiwa lehbha dooh na kiwa kawang bol ka Meghalaya ha kani ka samoi, da yoh ki mar 3 Wicket katwa u PM Santhosh da yoh u (2/41).
Ya ka Arunachal da pynlait im da u Amarjeet Sharma, uwa da kamai 112 khlem haap, kawa da yoh u na ki 160 bol. Da ini ka Arunachal da ye ko wow kamai 218 All Out deiwa yarap uwa bat hei 11 u Gollo Aga, uwa da neh 34 bol yow kamai lang wa u Amarjeet da 60 Run ya u Wicket wa khaddooh yow rah ya ka Arunachal na 158/9 cha 218. U Aga hanla kamai u 9 Run da e laad u ya u Amarjeet wow kamai Run u.
Hadooh wa kut ka yalehke ynne ka sngi, ka Meghalaya da yoh ko 80/4, deiwa emkaam sa 138 Run. Ki soo Wicket wa haap toh hadien wa yoh 42 Run tangwa da wan pynchkeh u Captain Kevin Christopher, uwa da kamai 35 Not Out. Da yoh lok u wa u Rohit Yadav, uwa da yoh 10 Not Out.
Deiwa yoh la 3 tylli ki spah Run wa kawi ka 50 Run, u Christopher da em u hei wa ynñiaw na kiwa boon dooh kiwa kamai Run ha kani ka samoi ka Cooch Behar Trophy wei ka Meghalaya da yooluti ko wow yoh u kamai Run chiboon manda pteiñ biang mynstep.
