Kam chibynta yong ka lyngkhooh snem wa 159 yong ka sngi wa pasi ya u Woh Kiang Nangbah ha ka 30 tarik, ynne ka sngi ka Khynroo Khyllood Committee (KKC) ka Seiñraij Jowai da pynman ko ya i pynsñiawthooh wa i e snaam sñiawbha ha Jowai.
Kani ka pynsñiawthooh wa i e snaam namo ka Awareness cum Blood Donation Camp da pynman hei yakrehlang wa ka Blood Bank ka Jowai Civil Hospital.
Ha kani ka sngi da em ka yalang kawa tbian ha Blood Bank heiwa da pynlai ya ka da u Ladwan Dkhar uwa man u Chairman ka KKC, hei emlang u President ka Seiñraij Jowai, u OR Challam, ka Psychiatrist na ka Jowai Civil Hospital, ka Dr. AM Pasweth wa kiwi kiwi.
Da yoh leh ki kyntien ngoohblai na u Secretary ka KKC, u Sienmi Lato.
Ha waroh da em 20 ngut ki dkhot ka KKC kiwa da wan chaphrang wow e snaam ha kani ka sngi wei na kini da ye wow e snam ki 16 ngut.
