December 29, 2021
Ka Elaka Lakadong Sports Association (ELSA) da pteiñ biang ko u pynman ynne sngi ya ka lympung yalehke kawa tip kam ka “1st Elaka Lakadong Knockout Football Tournament 2021-22” ha chnong Lama, East Jaiñtia Hills.
Ha ka yalehke kawa nyngkong da man heipor 11:00 waje i step hapyrdi ka chnong Lad Lakadong FT pyrchah ya ka chnong Lama FT heiwa ka chnong Lama da jop ko da 3-0 lyngba ki kool wa da thap da u Shanborlang Rymbai ha ka minit wa 34, u Ewanmiki Suchen ha ka minit 58 wa u Shaniah Suchen ha ka minit 70+1.
Ha ka yalehke kawa ar won heipor 1:00 waje i sngi da yaleh hapyrdi ka Lakadong Umlatdoh SCSC pyrchah ya ka Lion SCC Borghat heiwa ka Lakadong Umlatdoh SCSC da jop ko 2-0 lyngba ki kool kiwa da thap da u Comingson Rymbai ha ki minit wa 19 wa 46.
Ka yalehke mynstep won daw man ko hapyrdi ka chnong Natbor FT pyrchah ya ka chnong Umlyngsha FT heipor 11:00 waje i step katwa heipor 1:00 waje i sngi won daw em ka yaleh hapyrdi ka Lakadong Ummat SCC pyrchah ya ka Lama YSC.
