Ki pulit ka East Garo Hills da pyntip ki wa da beh kreh chipor ya u pulit wa kreh kam u ABSI uwa tip kam u Kromith Marak wa uwa kreh kam u Driver Constable uwa tip kam u Dimsrang N Sangma kiwa man leh ki pulit ka East Garo Hills District Executive Force.
Ini i beh kreh toh iwa khlem booh por hadooh wa pynmih hukum u SP ka East Garo Hills da kami wei i daw toh hajrong i tyrrah kari iwa da jia ha ka 13 tarik uni u bnai ha Khera heiwa da khlaad noh uwi.
Ki pulit da pyntip ki wa ka takit da lai ko chakhmat heiyatoh wa ini wa jia.
Kam wow pynkynmoo wa heipor 1:30 i sngi ka 13 tarik ka kari pulit (Gypsy) kawa bood yow synran ya u Home Minister nadien dooh da tyrrah ko mar dei khmat waka thuk-thuk wa wan mar pyrchah heiwa da khlaad noh uwa yah wei da mynsoo joor uwa chong hadien.
