Ha ka 12 tarik uni u bnai, uwi u nong India uwa wan hiar ha ka T-3, IGI Airport, New Delhi na Ras AI Khanimah International Airport UAE lyngba ka lieñsuiñ Flight No. SG753 da chah ksoh u ha ki bru ka Custom ha IGI Airport hi.
Na uni u bru da yoh 24 tylli ki tadong wa em ksiar wa khia 175 Grams wa chongdor T. 7,65,089 deilang wa ka poisa India wa chna thok (Fake Indian Currency Notes) wa em 2000 tylli da ki kot 500 kiwa man T. 10,00,000.
Da kem leh sa uwi u nong India uwa toh u pdiang ya uni u bru ha IGI Airport, New Delhi.
Ya ki tadong ksiar kamjooh ka poisa thok da murieh hapoh ka muna wei da kem noh ya ki hapoh ka kyndon Section 110 ka aiñ Customs Act, 1962 katwa ya u bru da kem hapoh ka kyndon Section 104 ka Customs Act, 1962.
Ka takit dang lai ko chakhmat wei da pyntip leh ya ka NIA yow lehlang ko ya ka takit.