Ka takit wa leh da ka Tri-Services Court of Inquiry heiyatoh wa i haap ka Helicopter Mi-17 V5 wa kit ya u Chief of Defence Staff, u Gen. Bipin Rawat deilang waka kurim u wa 11 ngut kiwi ki bru chipai kiwa da khlaad ha ini i jia ha ka 08-12-21, neiliang ka Court of Inquiry da phah ki ya iwa da chem i takit.
Katkam wa da chem hadien wa da puræ bniah ya ka Flight Data Recorder waka Cockpit Voice Recorder wei deiwa yaklam wa kiwa sakhi yow tip kammon jia ini.
Ka Court of Inquiry hei chem yong ka da kyntait ko yei em wa sih (Mechanical Failure), i em wa leh chynnam wow pynsih ya ka Helicopter lane em i leh khalær iwa da wanrah yeini i haap kani ka Helicopter.
Da ong wa ini da jia i neidaw wa hap hær ka Helicopter chapoh u lyoh neidaw wa kylla syndet i suiñ bneiñ ha kani ka thaw wa synrang. Ini da wanrah ko yei wiar luti u Pilot wei da hær bakla u hadooh wa haap kani ka Helicopter.
Puræ leh: Yap u khlieh dooh ki chipai ka ri deilang waka kurim u hadien wa haap ka Helicopter