theme-sticky-logo-alt
theme-logo-alt
Advertisement ad1

COVID-19: Ku kiwa dang chah ktah cha 14 lak ngut ha India

Kiwa yoh COVID-19 ha India la 3 sngi da em ki 2 lak tam iwa da pynku ya kiwa dang chah ktah wowem ki 14 lak ngut deiwa em kiwa dang yoh ha kini ki 24 kynta 2,68,833 ngut (ynnin 2,64,202), kiwa dang chait 1,22,684 ngut, kiwa yap 402 ngut iwa mut wa kiwa dang chah ktah da ku ki da 1,45,747 ngut.

Ynnin na ki jylla ka ri, du ha Delhi wa boon da kiwa chait ya kiwa dang yoh kiwa em 1887 ngut katwa ki jylla wa boon dooh wa tam da kiwa dang yoh ya kiwa chait toh ha Karnataka (25,604), West Bengal (13,930), Uttar Pradesh (13,418) wa ha Kerala (12,291).

Heiyatoh wa kiwa yoh Omicron da em ki 6,041 ngut iwa ku da 288 ngut nadooh ynnin.

Ynnin ka sngi da leh 16,13,740 tylli ki Test heiwa kiwa yoh ya u khñiang khlam da em ki 16.66% kawa tip leh kam ka Positivity Rate kawa ku na 14.78% ynnin ka sngi.

Waroh kiwa dang chah ktah da em ki 14,17,820 ngut iwa mut 3.85%, kiwa chait 3,49,47,390 ngut iwa da man 94.83% wa kiwa yap 4,85,752 ngut kiwa em 1.32%.

Heiyatoh wa i e tika hapoh ka ri, da dep wow e la 1,56,02,51,117 sien heiwa ynnin ka sngi da e 58,02,976 sien.

Share this:
Previous

Wa kylla syndet i suiñ bneiñ tæ haap ka Helicopter wa kit ya u Chief of Defence Staff

Next

Da kynjoh 1000 ngut kiwa dang chah ktah ha Meghalaya, neh kiwa dang yoh palat 100 ngut