Ka dhab ki Montri ka sorkar jylla namo ka Meghalaya Cabinet ynne ka sngi da pdiang ko ya i tyrwa wow pynkylla ya ka Meghalaya Settlement of Arrears hapoh yong ka State Taxation Act Amendment Ordinance 2022.
U Montri ki kaam pohyung ka jylla, u Lahkmen Rymbui da ong u wa ka sorkar da pynkrehkaam ko ya ka “One Time Settlement of Tax” tangwa katwa yah i por da em ki bru wa ki karkhana kiwa da su kattu katni yong ka dan wei da em kiwa ymye wow su pyndep ya ka dan kiwa da e ya ka Application hadien wa kut tarik wa chah u su.
Da ong u wa ka chnat Taxation da rai ko wow elaad ya kiwa da pyndap ya ki Application yong ki heiyatoh wow pynbait ya i kaam yong ki kiwa da pynyoo wa kwah ki u su ya ka dan wa dang sah.
Chooh chooh da ong u wa ini daw yarap ko ya ki bru samen wa kiwa khayi wow pynbait noh ya i kaam yong ki wa yatoh wa ka dan.
U Lahkmen da ong u leh wa ka sorkar daw ye ko wow yoh hadooh T. 12 klur na ki kaam wa dang sahteiñ wym pu em su hapoh ka chnat.
